مارێسکا باشترین تیپی ئینگلتەرا ئاشکرا دەکات

پەیام سپۆڕت - مەڕوان تاڵیب

ئینزۆ مارێسکای ڕاهێنەری چێڵسی وەرزەکەیان بە باش ناو دەبات و پێشیوایە لیڤەرپووڵ باشترین تیپی ئینگلتەرایە.

لەمیانەی کۆنگرەی ڕۆژنامەوانی پێش یارییەکەیان بەرانبەر لیڤەرپووڵ لە شەوی شەممە، سەرەتا ڕاهێنەرەکەی بلوز وتی: پیموانییە ئەمە کاتێکی گونجاو بێت بۆ ئەم یارییە، چونکە لیڤەر ئاستی زۆر باشە لەم وەرزە و لە ئێستادا باشترین تیپی خولەکەن و بە بردنەوەی پرێمەرلیگ سەلماندوویانە، بەڵام لاوازیش لە هەموو تیپێکی جیهاندا هەیە، بەڵام ئەگەر یانەیەک هەموو یارییەک براوە بێت ئەستەمە پێشی بکەوێت، بەو پێیەی لیڤەر چەند یارییەکی دۆڕاندووە ئەوەش لاوازییەک نیشان دەدات و ئێمەش هەوڵ دەدەین کێشەکان چارەسەر بکەین و براوە بین.

سەبارەت بە پێگەی یاریزانەکانی بۆ ئەو یارییە مارێسکا ئاماژەی بەوەدا، پاڵمەر هێشتا بۆ یاریکردن ئامادە نییە و چالۆباش سزا دراوە و نزیکەی حەوت تاکو هەشت یاریزانیان یاری ناکات.

لە کۆتایدا ئینزۆ ئاشکرای کرد، لە ڕووی ئەنجام و ئاستەوە وەرزەکەیان بە باشی دەست پێکردووە و وردە وردە دەگەڕێنەوە بۆ ئەو جێگەی کە پێویستە لێی بن،.