لهتیف فاتیح فهرهج
19/11/2019
944 جار خوێنراوەتەوە
گرانبوونی بهنزین و كوشتنی كورد
1
رهنگه گهوره ترین گهمژهیی بۆ دهسهڵات
ئهوه بێت خۆی زهمینهی بهریهككهوتن له گهڵ خهڵك بڕهخسێنێ، واته خۆی هۆیهك
بێت بۆ دروستبوونی كێشهو گرژی، ئهمجاره كۆماری ئیسلامی رێك وایكرد ، گهلانی ئێران
ماوهیهكی زۆره باجی سهركێشیهكانی دهسهڵاتدارانی ئێرانی ئهدهن، پیتاندنی یۆرانیۆم،
پرسی مافی مرۆڤ ، كوشتن و سێداره له سهر بیرو ڕای جیاواز، نهبوونی دیموكراتی،
رژێم و دهستوهردانی دهرهكی، ئهمانه ههموو ئهو كارانهن كه خهڵكی ئێران
باجهكهی ئهدهن، دواجاریش گرانكردنی بهنزین، كه به دوایدا گرانكردنی ههموو
كهل و پهل و خۆراكێك دێت .
ههڵبژاردنی ئهم كاتهبۆ گرانكردنی بهنزین یان
ئهوهتا له گهمژهییهوهیه، یان ئهوهتا بۆ توڕهكردنی خهڵكه، دهنا دهكرا
كات و ساتی دیكهو به جۆرێكی تر ئهو كاره كرابا .
2
كۆماری ئیسلامی ئێران، بهنزین گران دهكات و هێرش
دهكاته سهر كورد و سوپا و گهلهچهكداری دهنێرێته سهر كوردستان، وهك ئهوهی
ههر خهڵكی كوردستان له گرانكردنی بهنزین ناڕازی بن، له كاتێكا یهكهمین دهنگی
ناڕهزایی له شوێنی دیكهوه بهرز بوهوه نهك كوردستان، كوشتنی خهڵكی بێتاوانی
كورد به بیانوی گرانبوونی بهنزین و خۆپیشاندانهوه، دیسان ئهوهش گهمژهییهكی
تره، ئهمه رێك وهك ئهوه وایه بتهوێ به خهڵكی ئێرانی بڵێی كوردهكان دهیانهوێت
ئێران پارچه پارچه بكهن و پرسی بهنزین و گرانی و نادادی له بیر خهڵك بهریتهوه .
كوشتنی خهڵكی سڤیلی كوردستان تازه نیهو كۆماری
ئیسلامی دهمێكه ئهو كاره دهكات، لێ تێكهڵكردنی ئهو پرسه به گرانی بهنزینهوه،
جۆرێكه له ناشرینی و قێزهونی دهسهڵات بۆ تێكدانی پهیوهندی نێوان كوردو فارس
رێك ئهو كارهی دووژمنانی كورد له ههموو پارچهكانی دیكهی كوردستان بۆ تێكدانی
پهیوهندی دهیكهن .
3
كوشتنی كورد ههرگیز نهبووهته هۆی كۆتای
هاتنی كورد، بگره ههمیشه هۆیهك بووه بۆ ئهوهی رق ئهستور تربین، راسته له
ئێستادا باشتره خهڵكی كوردستان بیانوو نهدهنه دهست كۆماری ئیسلامیهوه، لێ
گوازتنهوهی كێشهكه بۆ كوردستان، جۆرێكه له بێئاكاری ئهو رژێمه دهرههق خهڵكی
كوردستان، له رابردووشدا به ههر بیانوویهك خهڵكی كوردستانی كوشتووه، تهنانهت
له سهر كاسبی و كۆڵبهرییش كه ناخۆشترین كارێكه مرۆڤ بۆ بژێوی ژیانی خۆی و
خانهوادهكهی ناچارهو دهیكات .
ئهم قۆناغهش تێپهڕ دهبێت و رۆژێكیش دێت
كورد خهونهكهی بێته دی .
لە تۆڕە کۆمەڵایەتیەکان شەیری بکە
هەموو وتارەکانی لهتیف فاتیح فهرهج